ఐసీఎంఆర్‌కు సంబంధం లేకుండానే ఆనందయ్య మందు తయారీ..!

నెల్లూరు జిల్లా: ఆనందయ్య మందుపై ఐసీఎంఆర్‌ పరిశీలన ఉండక పోవచ్చునని అధికారులు అంటున్నారు. ఐసీఎంఆర్‌కి సంబంధం లేకుండానే మందు తయారీ, పంపిణీకి కసరత్తు జరుగుతోంది. మందు హానికరం కాదని ఆయుష్ అధికారులు నివేదిక ఇచ్చారు. కాగా ఐసీఎంఆర్‌ పరిశీలించినా ఆమోదం ఉండక పోవచ్చుననే వాదన వినిపిస్తోంది. క్లీనికల్ ట్రయిల్స్, ఇతర పరీక్షలు లేకుండా ఐసీఎంఆర్‌ ఆమోదం లభించదని అంటున్నారు. అయితే ఐసీఎంఆర్‌కు సంబంధం లేకుండానే ఆనందయ్య మందు పంపిణీకి రాష్ట్ర ప్రభుత్వం ఆమోదం తెలిపే అవకాశం ఉన్నట్లు సమాచారం. దీనిపై అధికారులు ఇంకా దృవీకరించలేదు. ప్రభుత్వ ప్రకటన కోసం ఎదురు చూస్తున్నారు.